DAVAO CITY – Nagpabilin pa gihapon ang pagpatuman ug hugtanon nga mga  lakang ang area sa Sta. Ana PNP sa mga barangay nga sakop sa ilang AOR ilabi na nga ubay-ubay pa gihapon nga mga residente sa lugar ang nagpositibo sa Covid-19.

Sumala pa kang Pol. Major Benkalin Baluan, hepe sa Sta. Ana PNP  nga sagad sumala pa sa mga nangatakdan ang miyembro na lamang sa mga pamilya ug wala na nakuha sa gawas sa mga barangay.

-- Advertisement

Nasayran nga adunay 54 ka mga panimalay ang gipailalom karon sa household lockdown ingon man compound lockdown.

Aduna sab sumala pay gitagana nga contact tracers sa barangay aron nga matutokan kadtong mga balay nga adunay kabanay nga natakdan ug Covid-19.

Adunay mga sakop sab sa kapulisan ang gipakatag sa lugar aron masiguro nga  walay makasulod nga dili residente sa maong dapit ug dili sab basta-basta nga makagawas ang mga lumulupyo sa ilabi na kung mahinungdanon ang paggawas niini.