DAVAO CITY – Dungan sa gikatakdang pagsugod sa scanning sa Safe Davao QR (DQR) code sa bulan sa pebrero, aduna sumala pay pipila ka mga establisyemento nga exempted niini.

Kahinumduman nga sa gipagulang Executive Order (EO) 02 ni Mayor Inday Sara Duterte-Carpio, sugod sa Pebrero 3, 2021 tanan nga mga establisyemento ug buhatan sa dakbayan kinahanglan na nga magpatuman ug scanning sa tanan nga mga indibidwal nga mosulod sa ilang buhatan.

-- Advertisement

Apan exempted sumala pa sa maong kamandoan ang mga buhatan ug establisyemento nga dili enclosed o wala sa sulod sa gambalay adunay atop ug bungbong sama na lamang sa mga milk tea stall, ambulant vendor, lechon manok stand, sari-sari store, bakeshops, market (palengke) stall, ug daghanan pa.

Ang mga gambalay nga adunay pipila ka mga buhatan o store sa sulod sama sa mga malls, hospitals, commercial complexes, ang kalakip usab sa mga exempted.

Apan ang mga individual stores ug offices nga anaa sulod sa usa ka dakong gambalan kinahangal nga responsable sa pagpatuman ug scanning sa DQR ngadto sa ilang mga kustomer.

Ang DQR usa ka electronic contact tracing ug travel pass platform aron nga daki na lamang ang pagsubay sa mga indibidwal nga positibo sa Covid-19 o nakahimamat ug mga tawo nga apektado sa maong kagaw.