DAVAO CITY – Hugot nga seguridad ang gipatuman kagainang buntag sa gipahigayon nga pag-abri sa unang bahin sa Davao City Coastal Road nga gikan sa Bago-Aplaya padulong sa Tulip Drive Matina ning dakbayan sa Davao.
Sobra usa ka-libo sab ang gipakatag nga mga security personnel atol sa inagurasyon sa Coastal Road aron maseguro ang seguridad sa lugar. Gipangunahan ni Pangulong Ferdinand Marcos Jr ang inagurasyon ug gipangunahan sab niini ribbon cutting sa pormal nga pag-abri sa P10 bilyon nga kantidad sa proyekto.
Gawas kang pangulong Marcos, mitambong sab si Vice President Sara Duterte, Davao City Mayor Sebastian Duterte, DPWH Sec Manuel Bonuan ug uban pang mga elected officials. Ang 1st segment sa Davao City Coastal Road ay sinimulan niadtong 2017 sa ilalim ng administrasyon ni VP Inday nga kaniadto usa ka mayor sa Davao.
Kaganihang udto gisugdan na sa pag-agi ang karsada sa mga motorista samtang ang ubang bahin ang nagpadayon pa sab ang construction padulong na sa Boulevard area. Sumala pa sa DPWH, ang coastal road ang magsilbing bypass o alternatibong rota padulong sa Davao-Cotabato Road, diin gilauman niini nga maibsan ang dagan sa trapiko sa Matina Junction, Bangkal Junction, ug Ulas Junction nga byahe gikan sa southbound nga anaa sa usa ka oras ug 45 minutos nga byahe mamahimo na kining 30 minutos na lamang kung kini hingpit ng mahuman. Sa karon anaa na sa 94.88% ang completion rate sa nasampit nga proyekto gikan sa Davao-Cotabato Road padulong sa Santa Ana Wharf at R. Castillo, ning dakbayan sa Davao.
Ang maong proyekto gisugdan niadtong administrasyon ni Pangulong Duterte sa tabang sa Japan International Cooperation Agency (JICA), nga kini kabahin sa major road projects lakip ang Infrastructure Modernization alang sa Davao City (IM4 Davao) nga nagasuporta sa urban infrastructure development plan.
Ang maong proyekto ang gilauman nga magsulbad sa suliran sa trapiko sa dakbayan. Magsilbi ang maong coastal road isip alternatibong ruta sa Davao–Cotabato Road ug ABS-CBN Diversion Road.
Samtang sa laing bahin wala makatambong si kanhing Pang. Duterte sa maong inagurasyon sa wala masayri nga rason nga una na kining gikabalita nga motambong kini sa maong kalihukan, nga kahinumduman atol sa iyang administrasyon natukod ang maong proyekto ilawom sa Build Build Program.
