DAVAO CITY – Padayong giila sa kapulisan ang identity sa patay’ng lawas sa lalaki nga nakaplagan sa sapa sa Lower Madapo Forest Lake, Davao City kagahapon sa alas 5 sa hapon.

Sumala kang PSMsgt. Ritchi Paul Lozano, Investigator sa San Pedro PNP, gibana-banaang anaa sa usa ngadto na sa duha ka adlaw nga namatay ang biktima nga gibana-banang nagpangidaron og 45 anyos, duna kini suot nga blue nga tshirt og maroon nga short dihang nakit-an kini sa mga residente nga naglutaw-lutaw sa nahisgutang sapa.

Padayon pa karong nga ginasubay sa mga imbestigador sa San Pedro PNP ang kabanay sa biktima alang sa ilusad nga imbestigasyon.

Gikatakda usab nga ipailawom sa otopsiya ang patay’ng lawas gumikan sa nahiagoman niini nga samad sa agtang nga gituohang nabanda sa mga gapnod o bato tungod sa pagka anod sa biktima.

Kasamtangang gipahiluna ang patay’ng lawas sa Anghel Funeral Parlor ning dakbayan sa Davao

-- ADVERTISEMENT --