DAVAO CITY – Gibutyag ni retired Pol. Col. Alfredo Baluran, head sa City Disaster Risk Reduction and Management Office (CDRRMO) nga dakong tabang ang gihimong dike sa Department of Public Works and Highways (DPWH) daplin sa Davao river kini aron nga mababagan ang tubig sa higayon nga masinatian ang kusog nga pagbaha.

Gibutyag sab sa opisyal nga kaniadtong wala pay gihimo nga dike daplin sa Davao river sagad gayud madisturbo ang mga residente sanglit paspas nga mosulod ang tubig baha sa ilang lugar.

-- Advertisement

Hinuon gikanayon ni Baluran nga nagpadayon sab karon ang ginapahigayon nga clearing operation sa mga panimalay nga delikado sa mga pagbaha partikular na kadtong mga dapit nga dili mamahimong tukuran ilabi na sa mga dike.

Kahinumduman nga sa milabay nga tuig 2020, hinay-hinay na nga gipangbungkag sa mga residente ang ilang gitukod nga extension sa mga dike.