DAVAO CITY – Nanawagan na ang ahensiya sa City Health Office (CHO) sa mga nabakunahan sa unang dose sa sinovac vaccine nga moadto na sa Magallanes elementary School gumikan kay gisugdan na sab ang pagbakuna sa second dose niini.

Kahinumduman nga gisugdan na kagahapong ang adlawa ang pagbakuna sa mga nakadawat ug unang dose diin molungtad kini ug duruha ka semana.

-- Advertisement

Sumala sa CHO anaa sa kapin 300 ang ilang nabakunahan sa 2nd dose kagahapon ug laoman nga matapos nila ang dise otso mil nga  kabahin sa unang batch pagsulod sa ikaduhang semana.

Sa higayon nga matapos na ang sinovac vaccine, isunod sab dayon sa ahensiya ang pagbakuna usab sa mga naunang nakadawat ug bakuna nga gikan sa AstraZeneca.

Kahinumduman nga ubay-ubay na ka mga bakuna ang nadawat sa Davao region ug kung matapos na ang pagbakuna sa mga medical frontliners, isunod gilayon niini ang mga tigulang o nahisakop sa vulnerable sector.