DAVAO CITY – Nagpadayon karon ang pag-arangkada sa dakbayan sa Mobile vaccination sa Davao City Council sa nagkadaiyang Barangay sa dakbayan kini aron nga mapalig-on pa ang pagbakuna dinhi sa siyudad.
Sa ulahing datus, sukad Agosto sa milabay nga tuig hangtud Pebrero 1, 2022 mikabat na sa 114, 353 ang fully vaccinated; 84, 571 ang nakadawat ug second dose samtang 6,383 ang nakapa-booster shot.
Una ng gibutyag ni Committee on Health chair. Councilor Mary Josel Villafuerte, mitabang na sab karon ang mobile vaccination sa pagbakuna sa mga pediatric population sa siyudad ug naghulat na sab sila ug guidelines gikan sa Department of Health (DOH) kalabot sa pagbakuna sa singko hangtud 11 anyos nga mga kabataan.
Una ng nanawagan nag lokal nga kagamhanan ngadto sa mga ginikanan nga bakunahan ang mga bata aron nga magbaton sab kini ug igong proteksiyon sa ilang kaugalingon batok sa kagaw ug arun nga makapangandam na sa higayon nga ipatuman na sa tibuok tulonghaan ang face to face classes.
Sa mga buot magpabakuna, mas maayo sumala pa nga makiglambigit sa mga barangay aron nga masayod kini kung kanus-a ipahigayon ang mga pagbakuna.
