DAVAO CITY – Gitino sa ahensiya sa Public Safety and Security Command Center (PSSCC) nga bisan adunay ipahigayon karon nga misa sa Shrine hills alang sa kapiyestahan sa Sto. Niño, eksklusibo lamang kini sa pamilya sa nanag-iya sa luna ingon man sa empleyado sa shrine hills.

Una ng gibutyag ni PSSCC head Angel Sumagaysay nga dili na mahinayon ang nauna nga plano karong adlawa nga magpahigayon unta og lima ka mga misa sa nahisgutan nga simbahan kini tungod namatikdan karon ang pagsaka sa kaso sa nga natakdan sa Covid-19.

-- Advertisement

Kahinumduman nga pila ka adlaw na nga nag-una karon ang siyudad sa mga lugar sa nasud nga taas ang kaso sa Covid-19 hinungdan nga kinahanglan mohimo og pipila ka mga lakang aron nga mapugngan kini.

Mapasalamaton sab si Sumagaysay nga nasabtan sa pamunoan sa simbahan ang rekomendasyon sa lokal nga kagamhanan ilabi na nga alang lamang kini sa kaayuhan sa tanan.

VIA // Bombo Emman Dela Peña