DAVAO CITY – Gikanayon sa City Health Office (CHO) nga bisan nga ubay-ubay na nga mga tigulang ang nagpalista aron nga magpabakuna batok covid-19, daghanan pa gihapon ang kinahanglan nga kumbinsihon sanglit daghanan sab ang mibati ug kahadlok gumikan sa mga migula nga impormasyon nga aduna kini side effect.

Sumala pa kang Dr. Josephine Villafuerte, head covid-19 vaccination program-Davao City nga  kinahanglan pa gihapon ang dugang nga pag-edukar sa mga katigulangan ilabi na nga alang lamang kini sa kaayuhan sa tanan bisan pa man nga wala kini pugsanay.

-- Advertisement

Sa kasamtangan, anaa na matud pa sa 120 mil ka mga tigulang ang nalista karon sa siyudad nga magpabakuna batok covid-19 sa higayon nga matapos na ang mga anaa sa A-1  sa priority lists nga gilangkuban sa mga medical frontliners.