DAVAO CITY – Mamahimong maka-file og sickness benefit ang mga SSS members nga nag-positibo sa COVID-19 ilabi na kadtong mga wala maka-trabaho gumikan kay mipa-ilalom sa quarantine.
Gikanayon ni SSS Davao Region Information Officer Greta Quayle, ilalom sa General Rule sa sickness benefit, angayang adunay medical condition ug na-confine sa ospital ang usa ka member o naa lamang sa balay depende sa rekomendasyon o prescription sa mga doktor.
Apan, sumala ni Quayle, sa mga kaso sa asymptomatic o COVID-19 positive nga mipa-ilalom sa isolation, mag-agad ang ilang medical condition sa doktor kung i-certify ug dawaton nila kini isip subject for evaluation.
Hangtud 120 days ang ma-avail nga sickness benefit depende na sa computation sa average daily salary credit sa usaka empleyado.
