DAVAO CITY – Nagpahigayon ang Bureau of fire Protection (BFP) 11 og 10-minute Simultaneous Blowing of Horns nga gisalmutan sa mga nagkadaiyang BFP-11 fire stations  ingon man mga participating agencies ug  fire volunteer groups kini isip pagpahibalo nga magsugod na ang FIRE PREVENTION MONTH uban ang tema nga ” Sa Pag-iwas Sa Sunog, Hindi ka Nag-iisa!”.

Kahinumduman nga ang bulan sa Marso mao ang kasaulogan sa Fire Prevention Month isip pagtamud sa Presidential Proclamation No. 115- As. 1996.

-- Advertisement

Gibutyag ni SFO4 Ramil Gillado, chief investigator sa BFP-11, sa bulan sa Marso sagad taas ang kaso sa sunog ilabi na nga pasulod na sab ang summer ug masinatian sab ang grabe nga kainit sa panahon.

Nagpahimangno si Gillado sa publiko nga dili mag panic sa 10-minute Simultaneous Blowing of Horns.

Tumong sa nahisgutan nga aktibidad mao ang pagpahinumdom sa publiko nga mahinungdanon ang fire safety  sa matag panahon ilabi na karong New normal, ang BFP padayon pa nga pahugtan ang pag-promotar sa ilang pro-active fire safety awareness campaign uban ang aktibo usab nga pakiglambigit sa komunidad ug uban pang sektor sa katilingban.