DAVAO CITY – Gitino sa pipila ka mga restaurants dinhi sa dakbayan sa Davao nga padayon sila nga modawat ug mga unvaccinated nga mga diners apan laoman nga mo-isyu sila ug pag-ban niini sa umaabot nga panahon.

Tipik lamang kini human ang ulahing pahayag ni Pangulong Rodrigo Duterte nga adunay katungod ang mga restaurants nga dili pasudlon ang mga dili bakunado nga mga customer sanglit posible nga spreaders  kini sa kagaw.

Kahinumduman nga ang mga Business establishments sa mga restaurants  dinhi sa siyudad ang padayon nga nagadawat ug mga diners  sukad nga gipailalom ang  dakbayan sa alert level 2.

Samtang  gikanayon ni Dr. Michelle Schlosser, tigpamaba sa Davao City Covid-19 Task Force, bisan adunay guidelines ang siyudad alang sa mga  establisyemento  sa dakbayan, mamahimo sumala pa nga magpatuman sab ang mga nahisgutan ug kaugalingon nila nga guidelines ilabi na kung alang kini sa kaayuhan ug mahatagan ug proteksiyon ang ilang mga kustomer. 

Kahinumduman nga mas luag na karon ang classification sa siyudad hinungdan nga mas daghanan na ang moadto sa mga kan-anan.

-- ADVERTISEMENT --