DAVAO CITY – Nagtinabangay karon ang pipila ka mga religious sectors sa Davao Region sa pag-awhag nga magpabakuna bisan nga adunay pipila usab ka mga religious leaders ang nagpagula sab ug anti-vaccine statements gumikan kay makadaut sumala pa kini sa panglawas.

Kalakip  sab mga nanawagan sila si Archbishop Romulo Valles, Reverend Anselmo Ingay sa  Bible Baptist Church Davao, ug Comm. Alim Jamal Munib sa Ulama Sector-National Commission on Muslim Filipinos, ug daghanan pa ang nag-awhag sa publiko nga magpabakuna.

Gipasabot sa mga nahisgutan ang kamahinungdanon ug ka-epektibo sa bakuna aron lamang ma-protektahan ang kaugalingon batok sa pagkatag sa kagaw.

Kahinumduman nga una ng mikatag sayo ning kasamtangan nga tuig ang usa ka pastor nga nakabase dinhi sa siyudad nga miluwat ug dili maayong pulong sa bakuna diin gi-awhag pa niini ang iyang mga sakop nga dili magpabakuna tungod sa dili matud pa maayo ang epekto niini.

Apan luyo sa mga sayop nga pagtoo sa pipila ka mga religious leaders, gikanayon ni Dr. Lenny Joy Johnson-Rivera, assistant regional director sa DOH-Davao, nga 94 percent sa mga namatay tungod sa covid-19 ang dili sumala pa mga bakunado.

-- ADVERTISEMENT --