DAVAO CITY – Nagpahimangno karon ang city focal person on COVID-19 ngadto sa mga employers nga kinahanglan adunay igo nga ventilation ang sulod sa mga buhatan ilabi na nga aduna sumala pay 15 minutos lamang ang COVID-positive person aron nga makatakod ngadto sa uban ilabi na kung anaa kini sa airconditioned rooms o sarado nga area.

Sumala pa kang Dr. Ashley Lopez, COVID-19 focal person in Davao City nga anaa sa 50 percent sa COVID-19 cases sa siyudad ang tungod sa community transmission nga nanukad sulod sa panimalay ingon man sa mga workplaces  ilabi na sa call centers ug banks.

-- Advertisement

Gibutyag sab niini nga taas ang pagsaka sa COVID-19 cases sa dagkong kompanya sa agriculture ug government offices, apan mas daghan sa mga bangko ug business process outsourcing tungod sa paggamit ug air-conditioning system.

Subli sab nga gibutyag niini nga ang pagtuman sa mga basic health protocols ug uban pa nga basic health standards sa mga opisina ang makatabang aron malikayan ang maong balatian.

Gikanayong aduna sumala pay mga teams nga nagmonitor karon aron masubay kung motamud sa health protocols ang mga kompanya aron masiguro nga mapugngan ang COVID-19 infection.