DAVAO CITY – Mireklamo na ang mga Indian students sa medical school ning siyudad sa gikanayong prolonged isolation sulod sa ilang dormitoryo.

Apan una ng gibutyag sa pamunoan sa dormitoryo nga ang maka-alarma nga pagsaka sa ihap sa mga nagpositibo sa COVID-19 cases sa dorm ang hinungdan nganong mihangyo ang City Health Office nga ipatuman ang istrikto nga isolation protocols.

-- Advertisement

Kahinumduman nga ang grupo sa mga Indian medical students nga nagpabilin sa school dormitory sa Juan Luna St., Davao City ang nagpasibaw sa ilang kasinatian human sila gi-isolate sa ilang dorms sukad kaniadtong Nobyembre 12.

Kaniadtong gipailalom ang siyudad sa modified general community quarantine (MGCQ), gitugtan pa sila nga makagawas aron nga makapalit sa ilang panginahanglanon apan dihang gibalik ang GCQ, gimandoan sila nga magpabilin lamang sa sulod sa gambalay.

Wala sab sumala pay Food and Medicine (FM) Pass ang mga nahisgutan apan mihatag sumala pa ang dorm og mga gikinahanglan nila nga mga pagkaon, medisina ug uban pang mga essential needs.

Una ng gibutyag ni Dr. Fitzgerald Arancel, ang Barangay 29-C diin nahimutang ang dorminatoryo ang kalakip sa critical risk barangay sa siyudad sukad kaniadtong Disyembre 13 hangtud 19.

Apan ayha niini, ang maong lugar ang una na sab nga nabutang sa high-risk barangay hinungdan nga kinahanglan nila nga ipatuman ang hugtanon nga quarantine measures sa dormitoryo susama kung ibutang ang usa ka lugar sa Enhanced Community Quarantine (ECQ) o Modified ECQ.