DAVAO CITY – Nanawagan si Davao City Mayor Inday Sara Duterte Carpio sa mga personahe sa simbahang katoliko sa siyudad nga mo-comply sa standard health protocols sulod sa simbahan.

Tipik lamang kini human ang ulahing insidente diin tulo ka mga pari ug seminarian sa St. Francis of Assisi Parish sa Barangay Ma-a ang nagpositibo sa Covid-19.

-- Advertisement

Sumala kang Mayor Inday kinahanglan nga magpatuman ug hugtanon nga health protocols sulod sa mga simbahan aron nga malikayan ang transmission sa virus.

Gikanayon ang transmission laoman sumala pa sa mga lugar nga adunay mga tawo nga magtapok sama sa simbahan, banko, hospital ug mga opisina.

Una ng nanawagan si Dr. Ashley Lopez, focal person sa Davao City Health Covid-19, nga kadtong mga kumpirmadong nagpositibo sa Covid-19 cases mas maayo nga moadto sa pinakaduol nga swab testing centers.

Hinuon aduna na matud pay nasubay nga mga close contacts sa 18 ka mga indibidwal nga kumpirmadong nakahimamat sa pari nga nagpositibo sa covid-19.

Sa pikas nga bahin, human ang nahimong rekomendasyon sa City Health Office (CHO), nagpabilin nga suspendido ang tanan nga operasyon sa St. Francis of Assisi Parish-Maa kalakip na ang tanan nga mga liturgical celebration sukad kaniadtong Enero 2, 2021 hangtud nga magpagula ug sunod nga kamandoan.