DAVAO CITY – Mihatag og katin-awan si Davao City Mayor Inday Sara Duterte-Carpio nga wala nagpagula og kamandoan ang lokal nga panggamhanan nga mandato ang pagsuot og face shield sa higayon nga mogawas.
Gikanayon sa mayor nga sa kasamtangan, bugtong dili pagsuot lamang og facemask ang pahamtangan og multa ug istrikto nga pagpatuman sa Social distancing ug paghugas og kamot nga kabahin sa Health protocols.
Nasayran sab kang Mayor Inday nga bugtong ang DOTr lamang ingon man pipila ka establisyemento partikular na ang mga mall ang nagamando sa pagsuot og faceshield sa ilang mga kustomer ayha nila kini nga tugtan nga makasulod.
Gitataw sab ni Mayor Inday nga wala siyay nakita sa guide nga gipagula sa IATF nga kinahanglan mosuot og faceshield sa higayon nga mogawas.
Pahayag ni Davao City Mayor Inday Sara Duterte-Carpio.
