DAVAO CITY – Gipanghimakak sa Malacanang nga nag-kagrabe ang tensiyon tali ni Pangulong Rodrigo Duterte ug anak niini nga si vice-presidential aspirant Sara Duterte-Carpio.

Kini human ang ulahing pahayag ni Pangulong Duterte diin gitawag niini nga weak leader ug “a spoiled child” ang ka-tandem sa Mayor nga si kanhi senator ug presidential aspirant Ferdinand “Bongbong” Marcos Jr.

Sumala pa kang Cabinet Secretary ug acting presidential spokesperson Karlo Nograles  nga normal lamang sa mga politiko nga mohatag ug suporta sa mga nagkadaiyang kandidato.

Kahinumduman nga suportado ni Pangulong Duterte ang presidential bid sa iyang long-time aide Senator Christopher “Bong” Go ug gi-endorso ang kandidatura niini kauban ang iyang anak nga mikandidato sa pagka-vice-president.

Una ng gibutyag kaniadtong ni Pangulong Duterte nga wala kini nakauyon sa nahimong desisyon sa iyang anak nga magpapili sa pagka-bise Presidente ilabi na nga nag-una sumala pa kini sa mga ulahing surveys sa mga presidential bets.

-- ADVERTISEMENT --

Nagtoo si Pangulong Duterte nga adunay gihimo si Marcos sa nahimong desisyo sa iyang anak.

Apan una ng gikanayon ni Mayor Inday  atol sa ilang caravan nga suportado niini ang iyang running mate nga si Ferdinand “Bongbong” Marcos Jr. gumikan kay nagtoo kini sa iyang political experience.