DAVAO CITY – Subli nga nagpahimangno ang ahensiya sa Land Transportation Franchising and Regulatory Board (LTRFB)-11 ngadto sa mga driver nga tarungon ug gasto ang fuel subsidy nga gitagana sa kagamhanan isip tubag sa pagsaka sa presyon sa gasolina.

Nasayran sa ahensiya nga anaa sa 3,950 ka mga unit sa PUJ sa Davao region ang benepisiyaryo sa nahisgutan nga subsidiya sa gobyerno.

Una na sab nag gibutyag ni LTFRB chairman Martin Delgra III, nga dili sumala pa mamahimong gamiton sa uban nga mga sakyanan ang  gihatag nga pasada card sa mga driver sanglit nakabutang matud pa dinhi ang plate number sa unit nga kwalipikado sa  maong subsidiya.

Gani ipailalom sumala pa  sa beripikasyon ang card sa mga gasoline station ayha maka-avail ang driver ug diskuwento sa gasolina.

Sa higayon nga gamiton sab kini operator bisan nga wala naka-rehistro kaniya ang card, mamahimong ma-show cause kini sa LTFRB.

-- ADVERTISEMENT --

Kahinumduman nga daghanan mga driver ang mireklamo dihang nasinatian ang halos matag semana nga pagsaka sa gasolina ug gani mihangyo pa ang pipila niini sa ahensiya nga dungagan ang pletehan.