DAVAO CITY – Dili sumala pugngan sa lokal nga kagamhanan ang pagsaulog sa Valentine’s Day sa mosunod nga bulan luyo sa subling pagsaka sa kaso sa COVID-19 sa dakbayan.

Apan gitambagan ni Dr. Ashley Lopez, Davao City Health COVID-19 focal person, ang mga mag-trato nga hugtanong ipatuman ang minimum public health protocols.

-- Advertisement

Mamahimo sumala pa nga mogawas atol sa special day apan likayan ang ma-expose sa daghanang mga tawo aron mapugngan sab ang infection ug mapugngan sab ang nagkagrabe nga sitwasyon sa Covid-19.

Nagpahimangno sab  kini nga taas ang risgo nga makakuha ug virus sa mga lugar nga sagad dagsaon sa bagang duot sa katawhan.

Makatabang sumala pa ang mga lakang partikular na ang physical distancing aron mapahinay ang pagkatag sa virus.

Una ng gibutyag sa local health authorities nga magpadayon ang nasinatian nga post-holiday surge nga nagsugod sa milabay nga Enero 4 nga molungtad hangtud sa tunga-tunga nga bahin sa Pebrero.