DAVAO CITY – Sugod karong adlawa ipatuman ang pagwagtang sa liqour ban pero regulated ang pagbaligya ingon man pag-inom sa Island Garden City of Samal sa probinsya sa Davao del Norte.

Subay kini sa Executive Order No. 321 series of 2021 nga gipagula ni Mayor Al David Uy, niadtong Oktubre 7, ning kasamtangan.

Hinuon limitado ang maong ordinansa gumikan gitugotan lang ang pagbaligya, pagdistribute og pag-inom sa bisan unsang ilimnong makahubog sugod alas 9 sa buntag hangtod 9 sa gabie.

Mamahimo lang mag-inom sulod sa panimalay o kaha sa resort diin officially booked ang guest. Gitino usab sa EO nga limitado ang pagbaligya sa mga ilimnong makahubog gikan sa Beerhouses, videoke bars, nightclubs, bars, beer gardens, restaurants ug fastfoods.

Samtang gitugotan usab ang mga Resort nga magserve sa bisan unsang alcoholic beverages, ngadto sa ilang mga customer hangtod duha ka indibidwal ug posibleng mag atubang sa gikatakdang silot ang mga Resort nga mosupak sa maong kamanduan diin apil na niini ang revocation sa business permit niini.

-- ADVERTISEMENT --