DAVAO CITY – Gipasalig ni City Tourism Office head Generose Tecson nga ibalik gilayon sa Davao airport ang libre nga pagpahigayon og Real Time Polymerase Chain Reaction Test (RT-PCR) testing sa mga pasahero sa higayon nga magsugod na ang operasyon sa Los Amigos COVID-19 Laboratory.

Kahinumduman nga temporaryo una nga gisuspende ang libre nga RT-PCR test sa mga moabot nga pasahero sa airport gumikan kay kinahanglan sumala pa nga hatagan og pagtagad o matutukan una ang local transmission sa dakbayan.

-- Advertisement

Tungod niini, nanawagan ang dakbayan sa kasikbit nga LGU sa Davao region nga mas maayong tagbuon dayon niini ang ilang mga kababayan nga mopapauli apan dinhi sa Davao airport nanukad.

Gipasalig ni Tecson nga tugtan pa gihapon sa dakbayan nga mobiya sa Davao Airport ang mga non-Davao City flight passengers bisan og walay RT-PCR negative test basta kay masiguro sa ilang LGUs nga kuhaon kini.

Hatagan sab dayon karon og prayoridad sa airport kadtong mga pasahero nga adunay dala nga negative RT-PCR tests nga gikuha niini sulod sa 24 ngadto sa 72 hours ayha ang scheduled flights paingun Davao City kini aron nga makauli gilayon kini sa iyang lugar.

VIA // Bombo Emman Dela Peña