DAVAO CITY – Wala na matud pay angayan nga kabalak-an sa kahimtang sa escort ni Mayor Inday Sara Duterte-Carpio ug sa usa ka hamtong nga lalaki nga nalambigit sa aksidente kagahapong adlawa gumikan kay luwas na kini ug anaa na sa maayo ang kahimtang.
Kahinumduman nga mismong si Mayor Inday ang mitabang sa usa ka 57-anyos nga lalake nga nahagbong sa gimaneho nga motorsiklo niini samtang paliko sa Brgy. Madaum, Tagum City, kagahapon sa buntag.
Gikanayong nasundan kini sa grupo sa Mayor nga nag-motor ug nabanggaan sa escort sa opisyal. Sa imbestigasyon sa mga personahe sa Tagum City Police, gilikayan sumala pa sa biktima ang usa ka iro dihang patabok na kini sa paliko nga bahin.
Kahinumduman nga lakip ang motorsiklo nga gimaneho sa escort ni Mayor Duterte-Carpio ang gilikayan sab maong lalaki. Susama lamang nga nakaangkon ug minor injuries ang duruha.
Una ng gibutyag ni Mayor nga kauban niya nga nagmotor si Cong. Lord Allan Velasco ug paingon sila sa Mati, Davao Oriental dihang nahitabo ang insidente.
