DAVAO CITY – Laing batch na sab sa mga mipailalom sa Work for Davao ang makadawat sa ilang ayuda sa mosunod nga adlaw human nga gitunol na kagahapong adlawa sa 13th batch ang ilang nahimong suweldo human ang pipila ka adlaw nga pagtrabaho ilalom sa maong programa.

Ang nahisgutan nga batch adunay 700 ka mga benepisyaryo diin matag usa kanila nakadawat og tig P3000.

-- Advertisement

Sagad sa mga mipailalom sa programa mao kadtong nawad-an og panginabuhian ingon man trabaho gumikan sa COVID-19.

Una ng nasayran kang Commissioner Norman Baloro, focal person sa Special Program of Davao City, nga anaa na sa 24 mil ka mga benepisyaryo ang ilang nahatagan og suweldo samtang laing 18 mil ang makadawat usab sa mosunod nga mga adlaw.

Laraw sa maong programa nga maalibyohan ang kalisud sa katawhan hatud sa epekto sa COVID-19 pandemic.