DAVAO CITY – Wala sumala pa mihatud ug grabe nga kadaut sa dakbayan ang nahitabong Magnitude 7.1 nga linog sa milabay nga adlaw diin sentro niini ang Jose Abad Santos sa Davao Occidental.

Sumala pa kang Office of Civil Defense-Davao Region (OCD-Davao) Information Officer Angie Payosalan nga subay sa ilang gipahigayon nga rapid assessment  sa matag apektadong local government units sa rehiyon, wala silay nadawat nga bisan unsa man nga major damage o casualties human ang kusog nga pagtay-og.

-- Advertisement

Hinuon nakadawat sumala pa sila report nga adunay mga liki lamang sa pipila ka mga istraktura ug gambalay sa dakbayan.

Sa kasamtangan aduna matud pipila ka mga adjustments ang himuon isip pag-responde sa mga kalamidad sama sa baha, landslide, ug linog ilabi na karon nga padayon ang nag-atubang ang nasud sa Covid-19 pandemic.

Gitataw sa opisyal nga nakapahigayon na sila ug mga earthquake drills ug evacuation exercises ilalom sa “new normal” kini aron masiguro ang pag-obserba sa minimum health protocols.

Sa higayon nga aduna sumala pay masinatian nga kalamidad, kinahanglan pa gihapon nga magsuot ug face masks ug personal protective equipment ang naka-stand by alang sa mga evacuees ug respondents.

Gikanayong ang kasamtangan nga pandemiya usa ka hagit kung paunsa moresponde sa sitwasyon isip protocol  nga kinahanglan i-obserba aron nga malikayan ang transmission sa kagaw.

Gipahimangnoan ni Payosalan ang publiko nga ipatuman ang duck, cover and hold sa higayon nga adunay linog apan dili kalimtan nga nagpabilin pa gihapon ang presensiya sa virus.

Gawas sa pag-prepera ug basic goods ug uban pang personal nga mga dokumento nga isulod sa “go bags”, angayan sumala pa nga dili kalimtan ang pagsuot ug face masks ingon man alcohol isip dugang sa mga dad-on nga mga item.