DAVAO CITY – Namatikdan sa milabay nga mga semana ang pagsaka sa ihap sa mga nagpositibo sa Covid-19 sa munisipalidad sa Jose Abad Santos.

Sa kasamtangan, anaa sa 16 ang ihap sa aktibong kaso sa nasampit nga dapit.

-- Advertisement

Gumikan niini, gipahinumduman sa mayor ang mga residente sa Jose Abad Santos nga mutamud sa ginapatumang guidelines aron nga malikayan ang pagdagsang sa mga magpositibo sa virus.

Subay niini, gipatuman sa probinsya angĀ  E.O. 11 sa PLGU-Davao Occidental nga gilagdaan ni Gov. Claude P. Bautista ug epektibo kini hangtud June 30, 2021.

Gumikan niini hugot nga ipatuman ang 9pm-4am nga curfew, liqour ban nga sugod alas 7 sa gabii hangtod alas 4 sa buntag.

Pangayoan sab og negative RT-PCR TEST RESULT ang mga LSI, ROFW, ingon man ang mga dili taga Davao Region.

Lakip sab sa gibawal sa nasangpit nga dapit ang mass gatherings, sabong ug limitahan ang wake and burial sa unom lamang ka adlaw.

Hugtanon sab nga ipatuman ang 30 percent capacity sa matag kan-anan sa maong dapit samtang gibawalan nga mogawas ang anaa sa pangidaron 15 anyos paubos ug 65 anyos pataas.

Gikinahanglan usab nga mag suot og face shield ug face mask ang mga residente kung mogawas sa matag panimalay. (with reports form Bombo Toni Jumamil)