DAVAO CITY – Dako sumala pa ug matabang sa Banana Industry sa Davao region ang pag-abli sa South Korea aron nga mokuha ug mga produktong saging.

Kini ang pahayag ni Trade Secretary Ramon Lopez  human nga gilagdaan sa kagamhanan sa Pilipinas ug South Korea Free Trade Agreement (FTA) ang kasabutan aron nga magbaton ug maayo nga access sa  South Korean market ang  Philippine banana.

Gitataw ni Lopez nga kabahin sa kasabutan mao ang tariff reduction alang sa Philippine banana gikan sa 30 percent ngadto na sa  zero percent sulod sa lima ka tuig.

Gitataw ni Lopez nga ilado ang Davao region nga banana ug coconut capital sa nasod diin nga dakong bentaha sa economic opportunity alang sa mga mag-uuma nga i-export ang ilang mga produkto.  

Gawas sa mga saging, kalakip sab sa kasabutan tali sa South Korea ang pag-proseso sa pinya Davao Region.

-- ADVERTISEMENT --

Gawas sa mga produkto nga kabahin sa top exports sa Davao Region sa 2020 ang gilangkuban sa banana (fresh and dried), coconut (copra or oil), pineapple (fresh or dried), desiccated coconut (fresh or dried) ug uban pang mga prutas.

Pipila sab sa mga nag-unang destinasyon sa export products gikan Davao Region ang gilangkuban sa Japan, China, USA, Korea, ug  Malaysia.