DAVAO CITY – Gipahugtan na sab karon sa kapulisan sa Police Regional Office (PRO)-11 ang ilang kampanya batok sa mga naghupot ug armas human ang kamandoan ni PNP chief General Guillermo Lorenzo T Eleazar nga gukdon ug kumpiskahon ang mga loose firearms sulod sa mga area of responsibilities.

Laraw sa nahisgutan nga lakang nga bungkagon ang loose firearms  sa tanan nga mga Private Armed Groups (PAGs) isip pagpangandam aron nga masiguro nga dili kini magamit sa kagubot ilabi na sa nagsingabot nga eleksiyon sa mosunod nga tuig.

-- Advertisement

Sa kasamtangan gipahimangnoan na sa PRO-11 ang tanan nga mga hepe sa kapulisan ug area commanders nga pahugtan ang accounting sa loose firearms  isip kabahin sa ilang early preparation alang sa malinawon, matinud-anon ug hapsay nga pagpahigayon ug eleksiyon sa mosunod nga tuig.

Gitambagan na lamang karon sa kapulisan ang publiko kalabot sa maong kampanya ilabi na kadtong nga mga naghupot ug armas nga adunay expired licenses nga i-renew na ang ilang rehistro.