DAVAO CITY – Laraw ni kanhi president ug Davao City Mayor Rodrigo Duterte nga padalion sa mga opisyal sa City Hall ning syudad ang pag-proseso sa mga permits human namatikdan niini nga murag nibalik sa kinaraang sistema ang dagan sa maong buhatan.
Ning kasamtangan, gitambagan ni Duterte si City Councilor ug former Vice Mayor Bernard Al-ag, kinsa anaa sa pagpamulong sa kanhi Mayor nga sultihan ang mga office heads sama sa Business Bureau ug City Engineering Office nga paspasan ang proseso sa gikinahanglan nga mga permits.
Subling gibutyag sa opisyal nga kung ang gikinahanglan nga dokumento o permits dugay nga magpabilin sa buhatan o molungtad ug kapin tulo ka adlaw, magsugod na ang korapsiyon.
Nakasabot matud pa ang kanhi Presidente nga dili dali nga pakaulawan ang usa ka tawo apan kung balik-balik na matud pa ang gihimo, lauman nga mubalik sab sa karaan nga sistema nga naandan sa usa ka buhatan.
via || Bombo DEF
