DAVAO CITY – Kapin 131,000 ka mga bag-ong botante ang malampusong nakaparehistro atol sa registration booth alang sa ipadayong Barangay and Sangguniang Kabataan Elections karong Oktubre, ning tuiga.
Gikanayon sa opisyal sa COMELEC Davao nga si Atty. Gay Enumerables, niabot ug 131,170 ang mga nakaparehistro lakip magpakambyo sa ilang voter’s information gikan Disyembre 12 hangtod Enero 31.
Sa maong ihap, 14,363 ang gikan sa first congressional district; 11,581 gikan sa ikaduhang distrito; ug 16,494 gikan sa ikatulong distrito.
Samtang anaa sa 38,796 ang ihap sa mga bag-ong SK voters, ug anaa sab sa 36,990 ang mga bag-ong botante gikan 18 anyos pataas.
Gawas sa mga district offices sa COMELEC, nahimong malampuson ang pagpahigayon og registration sa mga malls gikan buntag hangtud gabii.
Gikatakdang ipresenta ang mga listahan sa mga botante sa Election Registration Board pinaagi sa usa ka hearing ayha pa kini mapinalisa ug mamahimong opisyal nga mga botante alang sa BSKE.
Wala pa sab naghatag og schedule ang COMELEC alang sa filing sa COC ug campaign period.
via || Bombo LJF
