DAVAO CITY – Gi-inagurahan sa Embassy of Israel in the Philippines kagahapong adlawa ang Honorary Consulate of the State of Israel for Mindanao nga anaa dinhi sa dakbayan sa Davao.

Gikanayong tipik lamang kini human ang ulahing pagbisita ni Pangulong Rodrigo Duterte sa Israel sa milabay nga Setyembre 2018.

-- Advertisement

Kalakip sa ilang launching ang ilang Defense Attaché ug Economic and Trade Attaché office sa Manila.

Ang pag-abli sa honorary consulate sa  Mindanao mao ang usa sa mga nakitang pamaagi aron nga mapalig-on ang historic ug panaghinigalaay sa relasyon tali sa Israel ug sa Pilipinas.

Gituboy sab sa embahada si Jorge Marquez isip Honorary Consul for Mindanao.

Si Marquez ang kasamtangan nga pangulo sa New World Travel Corporation, usa ka travel organization sa dakbayan sa Davao sukad 1994.

Nahimo sab kini nga Presidente sa VIP Manpower Services Inc. ug Intrex Philippines Inc. Nagsilbi sab kini nga chairman sa Gadol Foundation Inc., usa ka family foundation nga nakarehistro sa Securities and Exchange Commission (SEC).