DAVAO CITY – Daghanan ang nagpadayag og kalipay human nga mahatagan na og katumanan ang dugay ng gihandum nga katukuran sa Davao-Samal Bridge.

Kahinumduman nga hingpit na nga gilagdaan ang kontrata alang sa katukuran sa tulay nga magsugod sumala pa sa unang quarter sa 2021.

-- Advertisement

Sa higayon nga magsugod na matud pa ang operasyon, laoman nga toll-free kini butang nga gikalipay sab sa mga motorista.

Dako sab sumala pa kining tabang sa publiko ilabi na sa mga nanimuyo sa isla nga moadto dinhi sa dakbayan ingon man kadtong buot nga mosuroy sa Samal gumikan kay anaa lamang sa lima ka minuto ang biyahe patabok sa isla.

Laoman sab sumala pa nga mas molambo na ang turismo sa isla sa umaabot nga panahon.

Gawas sa contractor mitambong sab atol sa contract signing si DPWH Sec. Mark Villar.

VIA // Bombo Emman Dela Peña