DAVAO CITY – Anaa karon sa kustodiya sa kasundalohan ang duruha ka mga babaye nga sakop sa female New People’s Army (NPA) nga una ng nadakpan atol sa nahitabong engkuwentro sa Sitio New Laslasakan, Barangay Palma Gil Talaingod, Davao del Norte tali sa mga rebelde ug mga sakop sa 10th Infantry Division (ID) Philippine army.

Sumala pa kang Capt. Mark Tito,  10ID spokesperson,  nga ang mga tropa sa 1003rd Brigade nagbaton ug engkuwentro batok mga rebelde nga gipangunahan ni Alya Macky nga maoy hinungdan sa pagkasikop nila ni Masarinda Balite alias Alina, medical ug supply officer sa NPA Sub-Regional Guerilla Unit, Sub-Regional Committee 5, ug kaubanan niini nga si  Odessa Dumol alias Ann.

Gikanayong samaron si Alina dihang nadakpan kini hinungdan nga dali kini nga gitambalan sa mga tropa sa militar.

Samtang nabiyaan sab sa mga miikyas nga rebelde ang tulo ka mga M16 assault rifles ug  M4 rifle diin padulong sumala pa ang mga nahisgutan sa nagkadaiyang direksiyon.

Una na sab nga gibutyag ni Col. Consolito Yecla, 1003rd Philippine army Brigade commander, nga miulbo ang giyera digang ang grupo ni alias Macky mibalibad nga motahan luyo sa pagpaningkamut ni Ka Eloy, usa ka surrenderer, nga maoy nanawagan sa mga nahibilin nga mga Indigenous People (IP) nga dawaton ang peace program nag gitanyag sa gobyerno.

-- ADVERTISEMENT --

Gi-awhag sa opisyal ang mga nahibilin nga mga active NPA members nga mobalik na lamang sa sabakan sa kagamhanan aron nga malikayan ang casualties ilabi na nga nagpadayon karon ang focused military operations.

Samtang gipasigarbo ni Maj. Gen. Ernesto C Torres Jr., 10ID commander, ang gihimong pagpaningkamut sa  56th, 27th, ug 3rd Infantry Battalions aron lamang magmalampuson ang joint operation nga miresulta sa pagkasikop sa mga nahisgutan.