DAVAO CITY – Laoman nga okupado na sa ang dakbayan sa pagbakuna human nga miabot kagahapong adlawa ang dugang pa nga 51,480 doses sa Pfizer BioNTech vaccine sa Davao International Airport (DIA) via Philippine Airlines flight PR1811 kagahapon.
Sa kasamtangan, nakadawat na ang Department of Health (DOH) 11 regional office ug kinatibuk-ang 2,455,250 doses sa anti-COVID vaccines gikan sa national government.
Anaa sab sa 1,975,158 ang na-distribute sa nagkadaiyang probinsiya ug munisipalidad sa rehiyon.
Kahinumduman nga daghanan na nga mga vaccination site ang gi-ablihan karon sa dakbayan kini aron nga mapadali ang pagbakuna sa katawhan ug dali sab nga makab-ot ang herd immunity.
Una ng naglaom ang siyudad nga ubay-ubay na ang mabakunahan aron nga hinay-hinay na sab nga makabangon ang ekonomiya sa siyudad ilabi na nga daghanan ang naapektohan sukad nga nagsugod ang pandemiya sa milabay nga tuig.
