DAVAO CITY – Gipasalig karon sa Department of Transportation (DOTr)  nga mamahimong fully operation na sa Oktubre 2023.

-- Advertisement

Gikanayong ang 19-billion transport modernization project ang kinatibuk-ang pondo alang sa unom ka mga bus terminals nga itukod sa barangay Bunawan, Panacan Diversion, Buhangin, Calinan, Toril, ug Catalunan Pequeño.

Kahinumduman nga ang HPBS usa sa mga nakitang tubag sa siyudad aron nga masolusyonan ang nagkagrabe nga trapiko sa siyudad ug yawi aron nga mahatag ang luwas, convenient, sustainable ug efficient public transportation sa tanan.

Una ng gibuyag ni Engr. Connie Macapayag, Engineer IV sa DOTr  nga natapos na nila karon ang preconstruction phase sa  600-kilometer bus network.

Gipasalig sab niini nga ang bus system usa ka state-of-the-art nga adunay moderno nga disenyo ug advanced technology features sama sa automated fare system, wireless networking technology, ug  bus tracking system sama sa mga bus system sa Singapore, Hongkong, Australia, ug United States.

Atol sa preconstruction work, gisubay na matud pa nila ang mga luna diin ipahimutang bus terminals.

Apan gitino niini nga ang land acquisition ang pabilin pa karon nga gi-proseso gumikan kay pipila sa mga landowners ang nagpabilin nga apprehensive ug mahadlo nga mobaligya sa ilang luna.

Gikonsidera sab nila ang pagpahimutang ug rampa, walkalators, escalators, aron nga makunhuran ang distansiya sa terminal gikan sa highway.