DAVAO CITY – Gihatagan og katin-awan sa OIC-Director sa Department of Health (DOH)  Epidemiology Bureau nga si Dr. Alethea R. De Guzman nga wala pay local case sa delta variant sa Covid-19 sa syudad sa Dabaw.

Nagmalaumon sab kini nga walay ma detect nga delta variant sa mga international travellers sanglit maka-apekto kini sa health care system sa nasud labi pa sa padayong pagsaka sa ihap sa mga nag positibo sa virus sa dakbayan ingon man sa national capital region.

-- Advertisement

Paspas sumala pa ang transmission sa maong delta variant o ginatawag nga B1617.2 variant ug gikonsiderang variant of concern gumikan kay aduna sumala pa kini duha ka paagi sa mutation diin una na nga nadetect sa nasud India nga miresulta og grabe nga krisis sa maong nasud ug mikutlo sa liboan ka kinabuhi.

Gidasig sa opisyal ang publiko nga magpabakuna batok Covid-19 aron nga maprotektahan ang kaugalingon sa makamatay nga kagaw ingon man malikayan ang bisan unsa mang variant of concern. (with reports from Bombo Toni Jumamil)