DAVAO CITY – Gikanayon ni Arturo Milan, chairperson sa Regional Development Council – Davao nga kinahanglan nga tutukan sa lokal nga pangamhanan ang science and technology ning rehiyon aron masolusyonan ang job mismatches o ang mga trabaho nga wala nahisubay sa gitapos nga kurso.
Matud pa sa maong chairperson nga kinahanglan nga palig-unon pa ang educational system partikular na sa math ug sciences and technology gumikan nga matud pa sa mga trabaho nga gikinahanglan karon sa nasod naka-sentro sa science, technology, engineering and mathematics (STEM), apan kasagaran sa mga nmi-gradwar gikan sa arts courses nga maoy hinungdan nga halapad ang nasinatian nga mismatch sa trabaho dinhi sa nasod.
Sa bag-ohay lamang nga taho gikan sa Philippine Statistics Authority, anaa sa 4.5% ang unemployment sa Davao Region nga mas taas kung itandi sa October 2022 unemployment rate (3.5%) ug 0.3 percent nga mas ubos sa national estimate.
Samtang ang Underemployment misaka sa 6.3 percent as of January 2023 kung itandi sa 7.8 kaniadtong October 2022. Ilalom sa Davao Regional Development Plan (DRDP) 2023-2028, target sa RDC-Davao nga putlon ang unemployment rate ngadto sa 3.6 paingon sa 3.9 percent, ug underemployment nga 5.9 ngadto sa 6.2 percent pagsulod sa 2028.
via || Bombo DEF
