DAVAO CITY – Hingpit na karon nga gilusad sa Department of Education (DepEd) ang National Kick-Off Ceremony sa Brigada Eskwela 2021.

Gikanayong karong tuiga, ang nahisgutan nga aktibidad adunay tema nga   “Bayanihan sa Paaralan,” diin tumong niini nga maila  ang aspiration ug passion aron nga makab-ot sa komunidad ug sa matag estudyante ang ilang mga pangandoy.

-- Advertisement

Gipahigayon sab ang Brigada Eskwela pinaago sa virtual launching diin gipakita niini ang kaandam sa mga tulonghaan ug ang pagpabilin sa integridad sa mga eskwelahan luyo sa nasinatian ang pandemiya.

Isip tubag, ang mga lokal nga kagamhanan sa Davao region ang nagsilbi nga tulay sa educational gaps kini pinaagi sa pagpalig-on sa education interventions.

Kalakip sa nahimong lakang karon sa mga LGUs mao ang paghatag ug libre nga bond papers sa mga public schools kini aron nga magamit sa mga magtutudlo sa paghimo ug modules.

Sa kasamtangan, kinahanglan sab nga paglambuon ug ma-promotar ang kaayuhan sa mga magtutudlo pinaagi sa pagpatuman ug blended learning modality.