DAVAO CITY – Atubangan sa health emergency nga hatud sa coronavirus disease (COVID -19) nagpabiling matinud-anon ang Davao City Police Office (DCPO) sa kamanduan niini  nga pagserbisyo ug pag-panalipud sa katawhang Dabawenyos. 

Kini ang gipakita sa DCPO pinaagi sa pag-angkon sa National Best City Police Office award alang sa tuig  2020, nga gihatag atol sa 120th Police Service Anniversary. 

-- Advertisement

Gikanayon ni  DCPO director Colonel Kirby John Kraft, naangkon nila ang nahisgutang pasidungog gumikan sa paningkamot sa kapulisan sa dakbayan ug sa uban pang mga lawenforcement agencies  ilabi na sa lig-ong pakig-alayon tali sa lokal nga kagamhanan sa dakbayan sa dabaw. 

Dugang pa ni Graft nga ang dedikasyon ug ang commitment sa kapulisan sa dakbayan sa dabaw  nga mapabilin ang  kaluwasna sa syudad  ang usa sa nga-unang hinungndan  nganong giila ang DCPO isip best city policer office sa nasud. 

Gipasalamatan usab ni Kraft ang mga Dabawenyos sa aktibong suporta niini nga nagsilbong inpirasyon sa kapulisan aron tumanon ang ilang katungndanan.

Gibutyag usab sa opisyal nga padayon ang DCPO sa pagpalig-on sa police visibility niini pinaagi sa pagpatuman sa maximum deployment sa mga personahe niini sa nagkadaiyang bahin sa syudad isip kabahin sa crime prevention campaign niini. 

Samtang, gipasidunggan usab ni Davao City Mayor Inday Sara Duterte, ang DCPO ug  si Kraft  gumikan sa naangkon pag-ila kanila.