DAVAO CITY – Aduna nay usab sumala pa tulo ka mga bag-ong Patients Under Investigation (PUI) sa gikatahapang coronavirus disease (COVID-19) ang gi-admit sa Southern Philippines Medical Center (SPMC) niadtong Marso 9.
Sumala kang Dr. Ricardo Audan, SPMC Chief of Clinics and Health Emergency Management Bureau (HEMB) coordinator, nga kasamtangan na nilang gina-monitor ang kahimtang sa tulo ka mga PUI samtang ginahulat ang resulta gikan sa Research Institute for Tropical Medicine (RITM).
Duha sa mga pasyente, kansa susamang mga Pilipino, ang gikan sa dakbayan sa Davao samtang ang laing usa gikan sa Davao del Norte.
Kahinumduman nga niadtong nakalabay nga semana, gi-akomodar sa nasangpit nga hospital ang duha usab ka mga PUI apan ang susama nag-negatibo sa COVID-19.
Sumala pa ni Audan nga naghulat na lamang sila sa mga COVID-19 test kits nga muabot aron nga ma-detect ug ma-diagnose gilayon nila ang ilang mga pasyente ug aron nga makakuha usab gilayon og resulta inay ipadala pa ang mga specimens ngadto sa Manila.
