DAVAO CITY – Paningkamutan karon sa  Davao region nga maangkon ang 750,000 ka mga indibidwal nga mabakunahan atol sa ipahigayon nga National Vaccination Day sugod Nobyembre  29 hangtud Disyembre 1, 2021.

Kahinumduman nga ang National Covid-19 Vaccination Bayanihan Bakunahan usa ka nationwide vaccination activity diin tumong niini nga magpatuman ug vaccination sa 15 milyones ka mga tawo latas sa tibuok nasod.

Sumala pa kang Dr. Janis Olavides, DOH-Davao vaccination team leader, target karon sa rehiyon ang 753,294 nga mabakunahan sulod sa tulo ka adlaw. Gikanayong triple kini sa 251,098 nga daily target.

Sa nahisgutan nga ihap, kinahanglan nga maangkon sa dakbayan sa Davao ang 147,313 vaccinees; Davao de Oro targets 139,540 vaccinees, Davao del Norte -168,704, Davao del Sur-134,886, Davao Occidental-66,106, ug Davao Oriental  anaa sa 96,744.

Una ng gibutyag sa DOH-Davao nga target sab nila nga maangkon ang 70 percent herd immunity gikan sa 3,759,878 total population.

-- ADVERTISEMENT --

Gitataw sab ni Olavides  nga ang vaccination coverage sa rehiyon alang sa first dose ang anaa sa  50 percent.