DAVAO CITY – Nagpabilin sumala pa karon ang dakbayan sa Davao sa isa sa mga pinaka-adunahan nga siyudad sa Mindanao lakip na ang Davao de Oro.

Base sa Commission on Audit (COA) 2019 Annual Financial Report nga gisumite sa kongreso ingon man sa Office of the President sa milabay nga Disyembre 14, 2020, misaka sumala pa ang kinatibuk-ang assests sa siyudad ngadto sa P19.78 billion gikan sa P16.259 billion sa 2018, P13.181 billion sa 2017, ug P9.898 billion sa 2016.  

-- Advertisement

Tungod niini, nahimong ika-upat nga pinakadato karon ang siyudad sa Mindanao o bugtong city government sa isla nga kalakip sa listahan.

Hinuon anaa na sa ika-10th spot ang dakbayan gikan sa ninth spot nga pinakadato nga siyudad sa nasod sa milabay’nkanhi Compostela Valley), ang giila sab nga pinakaadunahan nga probinsiya sa Mindanao uban ang total asset nga P20 billion.

Misaka sumala pa kini kung itandi sa total asset sa 2018 nga anaa sa P19.615 billion ug P18.950 billion sa tuig 2017.

Miubos ang Davao de Oro ngadto sa fourth place sa 2019 gikan sa ikaduha nga pinakadato nga provincial local government unit (LGU) sulod sa duruha ka tuig.

Samtang ang Makati City ang nagpabilin sa top spot isip richest city sa nasod nga adunay total assets nga miabot sa P233.78 billion.

Sulod sa top 10 sa pinakadato nga siyudad sa 2019 ang Quezon City nga adunay P96.4 billion nga total assets, Manila (P64.8 billion), Pasig (P45.6 billion), Cebu City (P34.7 billion), Mandaue City (P32.2 billion), Taguig (P29 billion), Caloocan (P20.6 billion), Pasay (P19.8 billion) ug Davao City.