DAVAO CITY – Gikanayon ni Davao del Norte Inter-Agency Task Force (IATF) on COVID-19 head Dr. Alfredo Lacerona nga padayon ang ilang gihimong mga lakang aron nga kapugngan ang pagsaka sa mga natakdan ug covid-19 sa ilang lugar.
Una ng nasayran sa nahisgutan nga kadaghanan sa mga nangatakdan sa lalawigan puros walay bakuna.
Tungod niini, padayon karon ang panawagan sa publiko nga magpabakuna aron nga makaangkon ug igong proteksiyon sa kaugalingon batok sa kagaw.
Gikanayong usa sa mga lakang nga gihimo karon sa DavNor IATF mao ang paghatag ug prayoridad sa mga kompaniya nga adunay kapasidad magbakuna sa ilahang mga empleyado.
Nakiglambigit nan sba sila karon sa Davao del Norte Chamber of Commerce ingon man sa uban pa nga mga establisamento nga daghan ug mga empleyado ingon man sa mga relihiyosong grupo.
Sa kasamtangan anaa na sa 178,887 o 24.03% ang fully-vaccinated na sa lugar samtang 228,134 o 30.65% ang nakadawat sa first dose.
Una na sab nga gikanayon sa Provincial Health Office nga matag adlaw nga huwebes sila nga nagapahigayon ug first dose ug matag Byernes para sa second dose sa Clubhouse sulod sa DavNor Sports Complex ug modawat sa magpabakuna basta rehistrado bisan asa nga LGU nga sakop sa probinsya.
