DAVAO CITY – Giabsuwelto sa Korte Suprema ang kasong graft nga gipasaka batok kang Davao del Norte 2nd District Rep. Antonio Floirendo Jr.
Sa mosyon nga gipagawas niadto pang nakalabayng simana sa SC, gikanayon nga napakyas ang prosekusyon nga mapamatud-an ang kalambigitan sa kanhi congressman sa alegasyon nga korapsyon sa nahimong kasabutan sukad 2003 tali Bureau of Corrections kon BUCOR ug Tagum Agricultural Development Company, Inc. kon TADECO nga magmugna og 3,000 hectares sa banana plantation nga unang naaprubahan kaniadtong 1969 ug gilugwayan og dugang pang 25 ka tuig kaniadtong 2003.
Unang gipasaka ang kasong graft sa Office of the Ombudsman ni kanhi house speaker ug karong Congressman Pantaleon Alvarez.
Kaniadtong Agosto 2020 dihang napahamtangan og silot nga 6 ka tuig nga pagkabilanggo sa Sandiganbayan si Floirendo lakip na ang perpetual suspension sa pagdagan sa bisan unsang opisina sa gobyerno.
Sumala pa sa Korte, walay mga ebidensya nga nagpamatuod sa pagdawat ni Floirendo og pinansyal nga benepisyo gikan sa maong joint venture sa BUCOR ug TADECO.
Pakyas sab ang prosekyusyon sa pagpamatuod nga dunay conflict of interest sa natigayong proyekto, busa hagbay unta nga ma-acquit sa kaso ang kanhi congressman.
via || Bombo LJF
