DAVAO CITY – Nagdeklara og state of emergency ang Davao de Oro Provincial Hospital sa may Montevista, Davao de Oro gumikan sa pagkadaot nga nahiagum atol sa pagtay-og sa 6.1 magnitude nga linog kaniadtong Pebrero 1.
Sa report nga gipagula sa Provincial Disaster Risk Reduction and Management Office, ilabihang naguba ang Dietary Building sa maong gambalay, samtang ang payward buliding nga nahilakip ang Surgery and Pedia Services, nakitaan sab ug pag-uga sa mga bungbong ug kisame niini.
Gikanayon sab ni Dr. Ferdinand Anthony Soberano, ang hepe sa ospital, nga anaa sa 600 ka mga pasyente, watcher ug personahe ang gipanghikling ug kasamtangang ginadangop sa tagsa-tagsa ka mga ospital.
Subay sa ilahang datos, 90 ang temporaryong gipalandig sa Montevista Sports Complex, 19 ang nasa Davao Regional Medical Center sa Tagum City ug DDOPH Pantukan, 44 ang gipang-discharge, 56 ang nagpaalim sa ilahang mga panimalay, ug 5 ang absconded o sekretong nakaikyas palayo sa ospital.
Gikabutyag sab sa doktor nga kasamtangang limitado ang kapasidad karon sa ospital sa 150 gikan sa 250 ka mga higdaanan.
Nagpahinumdom karon ang opisyal nga limitahan ang pag-refer sa mga pasyente gikan sa probinsya ug sa mga kasikbit nga lugar ang ilahang ospital samtang ginatugutan pa lamang ang mga emergency cases.
via || Bombo LJF
