DAVAO CITY – Gideklara karon sa municipal government sa Maitum, Sarangani Davao Occidental ang Dakeol Forest, diin nahimutang sa 3,000 hectares nga mga diverse flora ug fauna isip critical habitat kini aron nga protektahan ang kaabunda niini sa biodiversity.

Sumala pa kang Mayor Alexander Bryan Reganit, gideklara sa Sangguniang Bayan (SB) ang Dakeol Forest sa Barangay Batian isip critical habitat kini isip kabahin sa Republic Act 9147 or the Wildlife Resources Conservation and Protection Act of 2001.

-- Advertisement

Gikanayong ang nahisgutan nga kalasangan ang nagsilbi nga vital role sa local environment hinungdan nga nakadesisyon ang local legislators nga ideklara kini isip critical habitat kini aron masiguro ang kaluwasan sa mga flora ug fauna nga anaa sa nahisgutan nga kalasangan.

Nasayran nga ang Dakeol Forest maoy nagsilbi usab nga pinuy-anan sa pipila ka mga species sama sa pula nga lauan, wild orchids, ferns, insekto, paniki, unggoy ug mga langgam kalakip na ang mga endangered Philippine eagle.

Gisumite na sab karon sa municipal government ngadto sa Department of Environment and Natural Resources (DENR) ang nahisgutan nga deklarasyon aron nga mas mapalig-on pa ang pagpatuman niini.