DAVAO CITY – Andam na karon nga ipatuman sa dakbayan sa Davao sa vaccination plan alang sa mga residente sa dakbayan kini aron nga mapugngan ang padayon nga pagsaka sa kaso sa Covid-19.  

Una ng nanawagan ang ahensiya sa Department of the Interior and Local Government (DILG) ngadto sa mga local government units (LGUs) sa Davao region nga pangandaman ang pag-abot sa bakuna sa mosunod nga bulan kini aron nga mamahimong hapsay ang pagpatuman sa National Vaccination Program.  

-- Advertisement

Angayan sumala pa nga ang matag LGU, adunay listahan sa mga posibleng hatagan ug prayoridad nga matuplokan ug bakuna ingon man pagpahimutang ug vaccination centers, mga cold chain storages diin ipahimutang ang mga bakuna ug daghanan pa.

Kahinumduman nga okupado sab karon ang mga hingtungdan nga ahensiya sa kagamhanan sa pagpasabot sa katawhan kalabot sa kamahinungdanon sa bakuna ilabi na karon nga daghanan ang nagpadayag nga dili buot nga mopailalom niini