DAVAO CITY – Hugtanong gipanghimakak ni Dr. Michelle Schlosser, tigpamaba sa Davao City Covid-19 Task Force, ang mikatag nga online post nga aduna sumala pay pagsaka sa ihap sa mga Covid-19 cases sa mga minor de edad sa Southern Philippines Medical Center (SPMC).

Apan gikanayon niini nga posible ang infection sa higayon nga ang mga ginikanan magpadayon sa pagdala sa ilang mga anak gawas sa ilang mga panimalay.

Kahinumduman nga una ng mikatag ang social media posts nga nagpahimangno sa mga ginikanan nga dili pagawason ang ilang mga anak gumikan sumala pa sa mga natakdan nga mga bata nga anaa sa SPMC apan wala matud pa kini kamatuoran.

Bisan nga wala sumala pay  record nga adunay pagsaka sa kaso sa mga bata nga natakdan ug kagaw apan aduna sumala pa silay natala nga mga kaso niini.

Nanawagan lamang ang opisyal ngadto sa mga ginikanan sa mga bata nga nag-edad ug 11 anyos paubos nga kinahanglan ibilin na lamang sa ilang panimalay ang mga nahisgutan ug mogawas lamang  kung essential ang tuyo.

-- ADVERTISEMENT --

Nasayan nga nahisgutan na sab karon sa Davao City Covid-19 task Force ang plano nga momugna ug guidelines nga mag-regulate sa mga bata nga edad 11 anyos paubos nga mosulod sa mga malls ug sa uban pa nga mga areas.

Gitino sab ni Schlosser nga kasamtangan,  mituman ang siyudad sa IATF guidelines on alert level 2  diin gitugtan ang mga bata nga makagawas ilabi na karon nga mas daghanan na nga mga establisyemento  ang nag-operate.