DAVAO CITY – Gikatakdang sugdan sumala pa karong adlaw’ng lunes Marso 8 sa mga managlahing lugar sa Davao Region ang Covid-19 vaccination kini human sa gipahigayong vaccination rollout kagahapong adlawa sa Southern Philippines Medical Center (SPMC).

Una nang gibutyag sa ospital nga mokabat sa 16 milyon ka  healthcare workers sa rehiyon ang target mabakunahan sa unang dose.

-- Advertisement

Gilauman usab nga mahimong organisado ug sistematiko sama sa vaccination rollout sa SPMC ang ipahigayong vaccination process sa nagkadaiyang health offices sa rehiyon.

Gibutyag ni Dr. Annabelle Yumang, Regional Director sa Department of Health XI,  himoon ang vaccination sa mga health workers gikan sa  private hospitals sa Mabini Elementary School nga nahimutang sa Bangkal ning syudad lakip ang ubang probinsya sa rehiyon.

Sa kasamtangan, ginaproseso pa sa buhatan ang pagdeliver  sa mga Sinovac vaccines sa mga lalawigan ug ipahimutang sa mga provincial health offices.