DAVAO CITY – Nagalaom gihapon  si City Tourism Operations Office head Generose Tecson nga makabawi ang ekonomiya sa dakbayan sa dabaw sanglit padayon lamang gihapong nag-operate ang moabot sa 78 ka hotels gikan sa dul-an ka mga 200 ka kinatibuk-ang ihap nga mga hotels sa syudad sa dabaw.

Diin gikabalak-an nga makansela ang mga tourism activities ug mga conventions nga gikatakdang ipahigayon dinhi sa dakbayan sa Dabaw sulod karong tuiga. 

-- Advertisement

Gitino ni Tecson nga karong tuiga 2021, padayon lamang gihapong apektado ang torismo sa syudad hatud sa hugot nga mga restrictions gumikan sa hulga sa covid 19.  

Subay sa record sa CTOO mitala lamang ug 618,034 ka mga tourist arrivals ang dakbayan sa Dabaw, dili tiaw ang ka-ubos kung itandi niadtong tuig 2019 nga moabot sa 2.5 million ka mga torista nga miduaw sa dakbayan sa dabaw. 

Kini ang nakatampo ug 51 billion pesos sa ekonomiya sa syudad ug mas taas kini ug 7.3 % kung itandi sa 2.17 million tourist arrival  niadtong tuig 2018.